AGR મામલે સુપ્રીમ કોર્ટનો ઠપકો, કહ્યું દેશમાં કોઈ કાનૂન નહીં, કોર્ટને બંધ કરી નાંખો

ટેલિકોમ કંપનીઓ પાસેથી એડજસ્ટેડ ગ્રોસ રેવન્યુ (એજીઆર) ની વસૂલાતની શરતોમાં કંપનીઓ વિરુદ્ધ કાર્યવાહી નહીં કરવા બદલ સુપ્રીમ કોર્ટે સરકારને ઠપકો આપ્યો છે. કોર્ટે ટેલિકોમ અને અન્ય કંપનીઓના ડિરેક્ટર અને મેનેજિંગ ડિરેક્ટરને પૂછ્યું હતું કે એજીઆર બાકી ચૂકવણાના હુકમનું પાલન ન કરવા બદલ તેમની સામે તિરસ્કારની કાર્યવાહી કેમ ન કરવી જોઈએ. કોર્ટે ટેલિકોમ કંપનીઓને 17 માર્ચ સુધીમાં બાકી રકમ જમા કરવા આદેશ પણ આપ્યો છે. સુપ્રીમ કોર્ટે ટેલિકમ્યુનિકેશન્સ વિભાગના ડેસ્ક અધિકારીના આદેશ અંગે દુખ વ્યક્ત કર્યું હતું. આદેશમાં એજીઆર કેસમાં આપવામાં આવેલા ચુકાદાનું પાલન પ્રતિબંધ લગાવવામાં આવ્યો હતો..

આ સંદર્ભમાં ન્યાયમૂર્તિ અરૂણ મિશ્રાએ કહ્યું હતું કે, જો કોઈ ડેસ્ક અધિકારી સુપ્રીમ કોર્ટના આદેશને રોકવાની હિંમત હોય તો સુપ્રીમ કોર્ટ બંધ કરી નાંખો. કોર્ટે કહ્યું, ‘અમે એજીઆર કેસમાં સમીક્ષાની અરજીને ફગાવી દીધી હતી, તેમ છતાં પૈસા જમા કરાયા ન હતા. કોર્ટે કહ્યું કે દેશમાં જે રીતે વસ્તુઓ બની રહી છે, તેનાથી અમારો અંતરઆત્મા હચમચી ગયો છે.

ભારતી એરટેલ 21,682.13
વોડાફોન-આઇડિયા 19,823.71
રિલાયન્સ કમ્યુનિકેશન્ 16,456.47
બીએસએનએલ 2,098.72
એમટીએનએલ 2,537.48
(નોંધ: આ કરોડમાં છે જેમાં, દંડ અને વ્યાજ શામેલ નથી.)

એજીઆર શું છે?
ટેલિકોમ કંપનીઓએ સરકારને એજીઆરની ત્રણ ટકા સ્પેક્ટ્રમ ફી અને આઠ ટકા લાઇસન્સ ફી સરકારને આપવાની હોય છે. કંપનીઓએ ટેલિકોમ ટ્રિબ્યુનલના 2015ના નિર્ણયના આધારે એજીઆરની ગણતરી કરી હતી. ટ્રિબ્યુનલે તે સમયે કહ્યું હતું કે ભાડુ, કાયમી સંપત્તિના વેચાણથી મળતો નફો, ડિવિડન્ડ અને વ્યાજ જેવા સ્રોતોમાંથી થતી આવકને બાદ કરતાં, એજીઆરમાં એજીઆરનો સમાવેશ કરવામાં આવશે. જ્યારે ટેલિકમ્યુનિકેશન્સ વિભાગ ભાડુ, કાયમી સંપત્તિના વેચાણથી મેળવેલો નફો અને જંકના વેચાણથી પ્રાપ્ત થયેલી રકમને પણ એજીઆરમાં ધ્યાનમાં લે છે. આના આધારે જ તેઓ કંપનીઓ પાસેથી બાકી ફીની માંગ કરી રહ્યા છે. 2019 માં સુપ્રીમ કોર્ટે સરકારને ટેલિકોમ કંપનીઓ પાસેથી એજીઆર વિવાદથી સંબંધિત રકમ વસૂલ કરવાની મંજૂરી આપી હતી. આ અંતર્ગત કંપનીઓએ વ્યાજની સાથે દંડ ભરવો પડ્યો હતો. ટેલિકોમ કંપનીઓએ એજીઆર ચૂકવવા માટે મુલતવી માંગી હતી. છેલ્લી તારીખ 23 જાન્યુઆરી 2020 હતી, જે પસાર થઈ ગઈ છે.

Related Posts